إحساس غالي [Ehsas Ghali] lyrics

يا شاغلٍ فكري وقلبي عن الناس

ما ابيك تسأل ليه قل اتصالي

خلك معي واسمع قصيدة من احساس

احساس غالي مرسلة يم غالي

من شهر تسعة ما خطف طرفي نعاس

وان نمت شفتك ساكنٍ في خيالي

شرّبتك من الحب كاسٍ ورا كاس

واشغلت فكري فيك واشغلت بالي

غلاك في قلبي ترى ماله قياس

لا تسأل "من الحب؟" حبك خيالي

تغريني من الخصر لا هامة الراس

وجسمٍ يميزه الترف والدلالي

الله عطاك عيون خدرٍ ونعّاس

تذبح عشاشيق الهوى ما تبالي

ورموش عينك كنها صف حرّاس

من ناظرّك صارت يمينه شمالي

خصلات شعرك كنها قطعة ألماس

أشقر على الأمتان شكله مثالي

شفني حجبت أجمل قصيدي عن الناس

وارخصت لعيونك غلا كل غالي

لا باس يللي تشكي البعد لا باس

ذا لي شهر مهموم يا راس مالي

واليوم جيتك بأجمل شعور واحساس

إحساس من غالي لجل عين غالي