ابن بلد [Ebn Balad] lyrics

قول عليا اللى عمر ما قاله حد

النهاردة بس أنا عرفتك بجد

يلا ألف 100 حكاية ما أنت مش فارق معايا

مش هانزل مستوايا ليك و ارد ..

انت أكتر حد عارف أنا أبقى إيه

مش هاقولك قلت عنى ده كله ليه

مش هاقلب فى الدفاتر بس عايزك تبقى فاكر

إنى قادر ارد بس هارد ليه ..

أنا ابن بلد أنا بافهم فى الأصول

وده مهما قلت أنا مش هاقول

هاعمل حساب لهواك ما أنا عشت معاك كام سنة

أنا ابن بلد أنا مش بياع كلام

انت اللى جواك مش تمام

وانت اللى بعت سنين و ف غمضة عين مش أنا

ـــــــــــــــــــــــــــ

قول عليا اللى ماتقالش ف بشر

قلبى راهن يوم عليك لكن خسر

روح وبدل فى الحقايق احكى أى كلام يضايق

مهما قلت عليا إيه مش هاتكسر

عيشلى يلا ف دور المجنى عليه

يلا كمل كدبتك مستنى إيه

قول ده كان ظالم أنانى عمره ما اتعذب عشانى

كان بيجرح قلبى ، دوس مستنى إيه

أنا ابن بلد أنا بافهم فى الأصول

وده مهما قلت أنا مش هاقول

هاعمل حساب لهواك ما أنا عشت معاك كام سنة

أنا ابن بلد أنا مش بياع كلام

انت اللى جواك مش تمام

وانت اللى بعت سنين و ف غمضة عين مش أنا