'E rròbbe vècchie. [Italian translation]

Panne, purtate ‘a tanta e tanta gènte,

cammise ricamate e arrepezzate,

ca ‘ncuóllo a quacche pòvero pezzènte,

o 'ncuóllo a na cocòtta site state;

fazzulètte ‘e battista, e muccature

viécchie, scuffie ‘e nutricce, e barrettine,

giubbe ‘e surdate, vèste ‘e criature,

giacchètte, mantesine, e suttanine,

add’o revennetóre ‘e panne usate

(sótt’ a n’angolo ‘e muro e ‘mmiéz’â via)

ccà v’hanno strascenate e ammuntunate

‘o vizio, ‘a famma, ‘a mòrte, ‘a malatia.

Quanta rumanze ‘e quanta e quanta gènte!

Ma stu revennetóre ‘e stu puntóne

nun ‘e capisce. Ndifferentamènte

scóse na cifra, o azzécca nu bottóne.!".