... E pe' me 'o Signore ha scritto
'nu destino 'ntussecuso.
"Chesta è 'a stoppa, tie'. -- m'ha ditto --
Fila!" E nun m'ha dato 'o fuso.
Fila! Fila?! E' na paròla
cu stu munno malamènte...
Chi t'aiuta e te cunzòla?!
Chi te guarda ? Chi te sènte?
...Ah ! Signo’, vuje m'ite dato
stóppa assaje ... Sta bène, 'o ssaccio...
Ma... vedite ; Stu filato,
sènza 'o fuso i' cómme 'o faccio?...
M'ha rispòsto: "E quanno maie?
Mo' mettevemo n' at'uso?!
Penz' a' vecchia ca filaie
cu' 'nu spruoccolo pe' fuso..."