'E Ccerase [Italian translation]

"Abbrile, abbrile! Mmiez" e ffronne 'e rosa

vaco vennenno 'o frutto 'e chistu mese;

cacciate 'a capa, femmene cianciose,

io donco 'a voce e vuie facite 'a stesa:

Frutto nuviello e mese 'e paraviso!

Collera ncuorpo a nuie nun ce ne trase!

'E ccerase!... 'E ccerase!...

Ll'anno passato, 'o tiempo d' 'e ccerase,

faceva 'ammore cu na Purticesa,

abbascio 'o Granatiello steva 'e casa,

e 'a chiammaveno Rosa 'a vrucculosa.

Belli tiempe de lacreme e de vase!...

Ogni lacrema quanto a na cerasa!

Ogne cinche minutele nu vaso!...

'E ccerase!... 'E ccerase!...

Mo c'aggia fa'? Se se cagnate 'e ccose,

e m'ha licenziato chella 'mpesa!

E' arrivato nu legno genovese,

e 'o capitano ha ditto che s''a sposa...

Capitano d''o legno genovese,

addò t''a puorte 'a bella Purticesa?

'E ccerase!... 'E ccerase!...

Cacciate 'a capa, femmene cianciose!

Io donco 'a voce e vuie facite 'a stesa:

'E ccerase!... 'E ccerase!... Abbrille è 'o mese

c'uno se scorda meliune 'e cose...

Capitano d''o legno genovese,

a me nun me ne mporta ca t''a spuse:

mme daie na voce a n'ato pare 'e mise!

'E ccerase!...

a me nun me ne mporta ca t''a spuse:

mme daie na voce a n'ato pare 'e mise!

'E ccerase!... 'E ccerase!...