E ballati e ballati fimmini schetti e maritati,
e si non ballati bonu non vi cantu e non vi sonu,
si non ballati pulitu ci lu dicu a lu vostru zitu.
Sciù sciù sciù quanti fimmini chi ci sù.
'Mpari Peppi 'mpari Peppi
vi pigghiu la misura di li scarpi.
'mpari Natu 'mpari Natu
attentu chi rumpiti u mattunatu.
E ballati cumpari Nateddu e vui cumpari cu tambureddu,
e vui ballati cumpari Nateddu e faciti sempri accussì,
ieu si ballu non stancu mai e mi scordu di li mei guai,
gnura si ca mi li scordu.
Ballanu lu palumbu e la palumba,
parunu figghi di na sula mamma.
'Mpari Peppi 'mpari Peppi
vi pigghiu la misura di li scarpi.
'mpari Natu 'mpari Natu
attentu chi rumpiti u mattunatu.