Dutor [Transliteration]

Nozlanib turardik dutor bilan men,

Sozlanib turardik dutor bilan men. (2x)

Yonimizga xushro‘y yigit kelganda

Birdan to‘xtab qoldik dutor bilan men.

Voy-voy-voy! Voy, dutor bilan men,

Birdan to‘xtab qoldik dutor bilan men!

Shirin kuy chalaylik xumor bo‘lsin deb,

Sog‘inchda o‘rtanib bedor bo‘lsin deb,

Uzun tushlarida mani ko‘rsin deb

Makkoralik qildik dutor bilan men.

Voy-voy-voy! Voy, dutor bilan men,

Makkoralik qildik dutor bilan men!

Endi har kun ko'rib*, yo‘limni kutib,

Qo‘lida dastalab guldasta tutib,

Kuy chalib ber desa shirin jilmayib,

Shodlanib ketardik dutor bilan men.

Voy-voy-voy! Voy, dutor bilan men,

Shodlanib ketardik dutor bilan men!

Birdan xayr deya ketdi ortiga,

Javob ham bermasdan yurak dodiga. (2x)

Bir unga atalgan ishq tuzog‘iga

Bilmay tushib qoldik dutor bilan men.

Voy-voy-voy! Voy, dutor bilan men,

Bilmay tushib qoldik dutor bilan men!

Kelmadi yonimga, bilmadim, nega,

Sog‘inch azob berar bechora dilga,

Chiroyli kunlarni eslashib birga,

Har kuni yig‘lashamiz, dutor bilan biz. (2x)

Voy-voy-voy! Voy, dutor bilan biz,

Har kuni yig‘lashamiz dutor bilan biz!