Caminande, caminande in s'istradone
pro arribare a Biddamanna,
in sa bertula cocone, casu martzu
e binicheddu 'e Buddusò,
amus bidu, ti lu juro,
cuba-cuba, mes'imbriacos dae su sole,
tres sirbones chi cantaban a tenores:
"birimbai birambimbò".
Caminande, caminande in s'istradone
pro arribare a Biddamanna
deo chin babbu, mama, jaju
e cussu macu de cumpare meu Bobò;
amus bidu tres corroncas nigheddas
ballande a ballu tundu
(totu curpa de su binu,
binicheddu binicheddu 'e Buddusò).
Duru duru durusia...
Caminande, caminande in s'istradone
pro arribare a Biddamanna
amus bidu su poeta mannu Mannu
bochinàndenos: «Ajò,
est tirande bentu nobu, como, zente,
est pretzisu bentulare!»
(totu curpa de su binu,
binicheddu binicheddu 'e Buddusò).
Duru duru durusia...
Caminande, caminande in s'istradone
pro arribare a Biddamanna
deo chin babbu, mama, jaju
e cussu macu de cumpare meu Bobò;
amus bidu, in cust'isula de prantu,
ispuntande s'isperàntzia
(totu curpa de su binu,
bicheddu binicheddu 'e Buddusò).
Duru duru durusia...