Bellu so e m’ind’abbizo
Fintzas mama mi l’at nau
A su sole m’assimizo
Parzo unu lizu dorau
Dami su coro Teresa
Ca ti lu torro a manzanu
Si non ti lu torro sanu
Nàrami cant’est s’ispesa
Unu segat, unu tallat
Donzunu a sa moda sua
Proite non benis e ballas?
Ca non cheret mama tua?
Muzere, muzere mia
Muzere mia est pitica
Che bàmbula mi la joco
Cando su sinu li toco
Mi narat: sa manu sica!
Sas féminas de Núgoro
Sun tostadas che sa preda
Ma bi cheret tempus meda
Pro li connoscher su coro
Comare, pro non tenner caffetera
M’at postu su caffè in su culatzu
Aferrat a su maridu a su mustatzu
Mi’che l’imbolat in sa ziminera