Dunyoni bering bolajonlarga lyrics

Nimani koʻrgandi dunyoga kelib?

Koʻrgani zorligu, daryo kabi qon. (x2)

Bolam, degim keldi koʻnglim ezilib, {x2}

Yoʻrgagi kafanlik boʻlgan bolajon.

Jangohga aylandi bu kun diyoring,

Qismating koʻz yoshmi, taqdirmi, alam? (x2)

Balki qoʻgʻirchogʻing kutar diydoring, {x2}

Qoʻgʻirchogʻidan ham umri oz bolam.

Kuzlarda ochilgan lolajonlarga,

Loladan ham mahzun jonajonlarga,

Kulgusi yigʻiga ulanmasin hech,

Dunyoni beringlar bolajonlarga. (x2)

Qoʻlingga qurolmas, koʻp oʻyinchoqlar

Yarashar edi-ku murgʻakkina jon. (x2)

Seni zor etganlar tortadi ohlar, {x2}

Bir kuni uvoling tutar, bolajon.

Kuzlarda ochilgan lolajonlarga,

Loladan ham mahzun jonajonlarga,

Kulgusi yigʻiga ulanmasin hech,

Dunyoni beringlar bolajonlarga. (x2)

Onangni topolmay sarson-u sargardon,

Munchoq koʻzlaringdan tomchilaydi yosh.

Ohingdan titraydi zamin-u zamon,

Senga oy onadir, otadir quyosh.