Dui amigghi in paradisu lyrics

Canti crozi vì sò i l'istrhadoni

canti famigli chi hani drentu durori.

Puru voi dui vi seddi andaddi a finì,

chissa notti è finidda cussì.

Seddi isciddi da casa cuntenti

pà dibisthivi senza pinsamenti.

Ma è basthaddu soru un mamentu

abà di voi mi rimani chisthu cantu.

Amigghi cari, si seddi aischusthendi

chisthi parauri chi vi soggu didichendi,

deddimi un segnu o arumancu un surrisu

puru dall'asthu di lu paradisu.

Deddimi un segnu o arumancu un surrisu

puru dall'asthu di lu paradisu.

Forse lu disthinu era signaddu

ma acchì Deu cussì chizzu v'ha ciamaddu?

Ancora nò ridesciu a cridì

cumenti sia finidda chissa dì.

Abà di voi mi rimani l'alligria,

li dì passaddi in vosthra cumpagnia;

canti mamenti m'abarani a mancà

ma i lu mè cori nò vi possu dimintiggà.

Amigghi cari, si seddi aischusthendi

chisthi parauri chi vi soggu didichendi,

deddimi un segnu o arumancu un surrisu

puru dall'asthu di lu paradisu.

Deddimi un segnu o arumancu un surrisu

puru dall'asthu di lu paradisu...