Duce Mē [Be Prepared] lyrics

Vel in hōc genere est quod amētur

miserābiliter stolidō,

modo cōnsiliīs sociētur

ratiōciniōque meō,

retinentia, quantula cessat

in hebentibu' pectoribus

modo dogmata nostra capessat

logos est ubi mīrificus.

Licet hōs oculōs Libitīnae

dominent vacuae tenebrae,

neque vōs eritis necopīnae:

loquimur regimen patriae.

Redeunt Sāturnia rēgna!

Oritur nova prōgeniēs!

Spērāte futūrum

bis nōn reditūrum!

- Quidnam facientēs?

- Pārēre volentēs!

Ignōbile, certē:

tamen omnia ferte!

ea quae cupiam, mihi dā,

ea quae cupiēs, tibi habē

duce mē!

- Macte! Duce tē! Dūcās nōs! Dūcēs quō?

S- ad rēgis mortem

- Aegrōtatne?

S- Immō, nēquam! Interficiēmus, Simbam quoque

- Quidnī? Quid nōbīs cum rēgibus? Pereant rēgēs, pereant rēgēs! Bucca bucca bucca!

S- Stultī! Jam erit rēx!

- Quid quod dīxistī…

S- Ipse erō rēx! Mēcum estōte fameīque fīnem faxō!

- Euge, sophōs! Iō triumphe! Iō triumphe!

- Sibi sī datur optimu' prīnceps,

quis enim quid alid cupiat?

- Sibi sī dabit optima prīnceps,

quis enim quid eī invideat?

Licet accipiam mihi plūra,

mereās modo: plūrima dō.

quis in hōc fuerit sine cūrā?

Is ab hōc careat solidō!

Aderit jam tempus honōrum:

bona turba, favēte mihī!

Semper conjūrō, (conjūro)

per tempora dūrō: (perdūro)

semper rējectō (rējecto)

it palma profectō! (palma)

Dabitur majestās,

sine fīne potestās.

Meritō pete: jam dabitur!

Neque jam petitis timidē

duce mē!

Neque jam petimus timidē

duce tē!