Dua lyrics

Neçə göz yaşı axacaq gözümdən

Mən artıq bezmişəm özümdən

Neçə qorxaq addım atacaq qəlbim

Gedəcək taleyin izinnən

Neçə sətirlik mürəkkəbimdə qan

Hansı küçədə görüşürük ölümnən

Məni buraxma, mənə inanma

Nifrət eləsən də, bitməsin öpüşlər

Hər dəfə kələ-kötür yollarla qalxıram

Ama Tanrının qapısı bağlı

Ümidlərin nağılı. Yaralarım ağrıyır

Səni kim saxlayır?! Niyə qaçmırsan?!

Axı bu incə tələlər son qoyacaq sənə

Hər yeni göz yaşı, yeni davalar

Laxtalandıqca bağlayır səni mənə

Neçə göz yaşı axacaq gözümdən

Mən artıq bezmişəm özümdən

Neçə qorxaq addım atacaq qəlbim

Gedəcək taleyin izinnən

Bu şəhərdə qalmayıb mələklər

Bu küçələri tərk eləyib Allah

Bir çantalıq əbədi sürgünlərdə bir gecəlik səninlə qalmaq

Nəqarət:

Qoy yağış yağsın, külək əssin, dalğalansın qoy dəniz

Bizim ümidlərimiz, yuyulur izlərimiz

Əllər açılır səmaya

Orda varmı kimsə bizdən savayı?!

Eşit bu harayı, isit bu ürəyi!

De, bu yollar aparır bizi haraya? (x2)

Neçə göz yaşı axacaq gözümdən

Mən artıq bezmişəm özümdən

Neçə qorxaq addım atacaq ruhum

Qanlar axacaq dizimdən

Sənin yolunda mən ölümə hazır

Bir təbəssüm min zülümə hazır

Sənin bir kəlmənlə mən yarandım

Sənə həsr etdiyim sətirim azdır

Neçə dahini basdırır zəmanə

Neçə gəmi yelkənləri küləksiz

Neçə ağactək kəsiləcək qollarım

Neçə köməksiz evi qoyacam dirəksiz

Mənim əlimdə yoxdur işarələr

Mənim taleyim silinib nəzərdən

Tanrının oyuncaq qutusundan

Yıxılıb, itib bir oyuncaq əsgər

Yenə qar yağdı yol işıqlarına

Dolanır dənələr pərvanətək

Mən pəncərələrimi açdım

Bəlkə göylərdən enə çiynimə bir mələk

Yenə Tanrının məbədində tək

Yenə əllərim açılıb göylərə

İki söyüdün kölgəsində mən

Günahlarımı yenə yuyuram çaylara

Nəqarət:

Qoy yağış yağsın, külək əssin, dalğalansın qoy dəniz

Bizim ümidlərimiz, yuyulur izlərimiz

Əllər açılır səmaya

Orda varmı kimsə bizdən savayı?!

Eşit bu harayı, isit bu ürəyi!

De, bu yollar aparır bizi haraya? (x2)