Donna Maria lyrics

Marì, te voglie bene

E 'a notte me guardave

Marì, ritorna ambresse

Aspette, sto scetate

E mentre 'o cielo se pigliave miezza luna

"Salutame 'e 'ccriature"

E pò sagliette 'ngoppa a 'o motoscafo

A sfidà 'o mare rinde 'e mmane d'a pavura

Ca nun aiute a chi nun vò murì

'O tiempo passa, ma tu staje pienzanne angore

E strigne 'e diende quando cride 'e nun ce 'a faje

E che fai? Suonne!

Si staje scetate suonne

Si staje ridenne suonne

Tu ca nun duorme

Marì, cumme si' stanca

Ormaje te resta niente

Marì, capille bianche

Che vasa sulo 'o viento

E guarda 'o cielo ca te presta miezza luna

Nun tene cchiù a nisciune

'E figlie quanno crescono so' 'e ll'ate

E rieste a casa a parlà e guardà 'nfacce 'o muro

E guarde 'o mare quanno vuò murì

'O tiempo passa, ma tu staje pienzanne angore

E strigne 'e diende quando cride 'e nun ce 'a faje

E tu che faje? Suonne!

Si staje scetate suonne

Si staje ridenne suonne

Tu ca nun duorme

E tu che faje? Suonne!

Si staje scetate suonne

Si staje ridenne suonne

Tu ca nun duorme