دڵی من [Dli min] [English translation]

لەو ڕۆژەوە تۆی دیوە پەرێشانە دڵی من

سەوداو زەدە و بێسەر و سامانە دڵی من

سەرگەشتە ئەسوڕێتەوە بێلانە دڵی من

ھەر ساتێ بە دەردێکەوە ناڵانە دڵی من

هەرچەندە بە دوویا ئەگەرێم شار و وڵاتان

دەشت و کەژ و سەحرا و چیا و چۆڵ و بیابان

شیتانە ئەبێ رووی لە چ لا کردبێ یاران

وەک بولبولەکەی وێڵی گوڵستانە بەهاران

ئاخۆ لە چ گوڵزارێ غەزەل خوانە دڵی من

یا دەربەدەری کوچەی شارانە دڵی من

سەد خۆزگە بێ بەو رۆژە کە نەمبیستبوو ناوت

نەمچێشتبوو تامی مەی مەیخانەی چاوت

نەیدیبوو دەست و پێی دڵەکەم حەڵقەی داوت

ئازاد بوو لە پێچ و خەمی ئەگریجەی خاوت

وا ئێستا لە تاو ئەگری هیجرانی بەتاوت

فرمێسکی ئەڵێی تەرزە و بارانە دڵی من