Disamiganzia :
Sassarese (Sassaresu or Turritanu)
Cos'isthazini a fà chisti animi
addananzi a la gesgia,
chistha genti dibìsia
chistha jsthoria bulendi pà l'aria
A misura di brazzu
a disthanzia d'offesa
pinsendi a la pazi
chi la pazi rasenta
Dui famìri senza piu' sangu
s'arriendini
e pà dugnunu,lu dulori dill'althri
e' dulori a midài
S'accuntentta di càisi lizzeri
la ghèrra di lu cori
lu lamentu d'un cani firiddu a mosthi
dà un'umbra di passu
Si sudifègia di brèbi ajume'
i la carrèra di casa
un'jscoppiu sangue
una mancànzia pronta po' la zena
E a dugna jparu di cazza affaccu
si prigonta furthuna
Cosa isthazini a fa' chithi figliori
a ricama',a cusgì
chithi manci di luttu
rìnunziadi a l'amori
In eddi si cùa
una jsperanzia pàssa
chi lu nimigu la pritendi
chi la bo' in darèddu
E una prèssa di mani sujprèsi
a tucca' li mani
chi dèbi assejvi una manèra di vibì
senza dulori
Una cùrsa dill'òcci
a jscubri' chi invèci
e' solu un riposu di vèntu
un odià a midài
E all'ara chi manca
si dèdichèggia l'autoridài
Chi la disamiganzia
s'oppùni a la nosthra disgrazia
chistha iffuriadda di lu tempu
a jpariglia' disthini e folthuna
Cos'isthazini a fà chisthi animi
addananzi a la gesgia
chistha genti dibìsa
chistha jsthoria bilendi pà l'aria.