Dilim lyrics

Dil dardim bilmaydi dilimdan boʻlak,

Yoʻldosh topilmaydi yoʻlimdan boʻlak.

Meni kim aldamas oʻlimdan boʻlak,

Dilim yolgʻiz koldi dilim Onajon

Dunyoki bevafo ekan qadimdan,

Pand yedim har kasga ishonganimdan,

Birday ozor yetdi doʻstu gʻanimdan,

Dilim pora koldi dilim Onajon

Suratim sarishta, siyratim vayron,

Koʻnglim choʻkib ketgan ummon yuzi qon,

Umid uzolmayman, uzilmoqchi jon,

Dilim ogʻrib koldi dilim Onajon

Tiriklay oʻldirib ketar ekan yor,

Qalbingga toʻldirib netar ekan qor?

Tushlarimga kiring, bitta gapim bor,

Dilsizning soginib koldi Onajon

Yodimga pariroʻy aksingiz kelar,

Aksincha yomgʻirday ashkingiz kelar,

Kelsa faqat sizning rahmingiz kelar,

Dilim vayron koldi dilim Onajon

Dilim yolgʻiz koldi dilim Onajon

Men sizning sogʻindim Onajon