Despacito [Latin translation]

Sane scis me iam diu te conspexisse.

Me tecum hodie saltare libet.

Tuos oculos me poscere intellexi:

ostende mihi qua via eam.

Tute magnes es, ipse vero metallum sum.

Propius adeo consiliumque instruo.

Hac cogitatione tantum accelerat pulsus cordis mei.

Iam iam plus quam consueveram delector.

Sensus mei omnes amplius requirunt,

huicque sine impedimento assentire decet.

Lente

collum tuum lente olfacere cupio.

Sine me nugas ad aurem tuam susurrare

ut mei memor sis cum longe a te abero.

Lente

te vestibus exuere osculorum vi cupio,

parietesque labyrinthi tui conscribere

itaque facere ut totum corpus tuum volumen scriptum fiat.

(Sursum, sursum, sursum... sursum, sursum!)

Capillos tuos saltantes videre cupio,

momentumque tibi imponere,

teque ori meo docere

quibus tui partibus magis delecteris (delecteris, delecteris, pusilla!)

Sine me ultra partes periculosas transire

dum eiulatus tuos excitem

nominisque tui obliviscaris.

Si osculum a te quaesiero, ad id dandum veni:

te de hoc cogitare scio,

ego vero iam dudum hoc tento.

Hercle, danti reddere est hoc.

Scis cor tuum cum adsim "bom bom" facere;

scis infantulam istam a me "bom bom" exspectat.

Veni, labia mea gusta ut scias quid tibi sapiant.

Cupio, cupio, cupio scire quanti amoris capax sis.

Mihi nihil urget, itinere frui volo.

Tarde incohamus, deinde rabide agamus.

Pedetemptim, pedetemptim, blande, blande

utrique paulatim copulamur.

Cum me tam arte oscularis,

intelligo tibi malam fidem esse subtilitati mixtam.

Utrique paulatim copulamur,

verum est enim hanc pulchritudinem opus musivum esse,

ego tamen hic tessellam habeo qua expleatur. Eia!1

Lente

collum tuum lente olfacere cupio.

Sine me nugas ad aurem tuam susurrare

ut mei memor sis cum longe a te abero.

Lente

te vestibus exuere osculorum ope cupio,

parietesque labyrinthi tui conscribere

itaque facere ut totum corpus tuum volumen scriptum fiat.

(Sursum, sursum, sursum... sursum, sursum!)

Capillos tuos saltantes videre cupio,

momentumque tibi imponere,

teque ori meo docere

quibus tui partibus magis delecteris (delecteris, delecteris, pusilla!)

Sine me ultra partes periculosas transire

dum eiulatus tuos excitem

nominisque tui obliviscaris.

Lente!

Eamus ad hoc agendum in litore Portus Divitis,

dum undae clament "Proh dii",

utque sigillum meum in te impressum maneat.

Pedetemptim, pedetemptim, blande, blande

utrique paulatim copulamur,

ut ori meo doceas

quibus tui partibus magis delecteris (delecteris, delecteris, pusilla!)

Pedetemptim, pedetemptim, blande, blande

utrique paulatim copulamur

dum eiulatus tuos excitentur

nominisque tui obliviscaris.

Lente

1. Forma originalis differenti imagine

utitur, quae latine transponi nequit.