Dengê Strana Dîcleyê [Ji Bo Bîranîna Apê Musa] lyrics

Dîcle me ez, qirîna hezar salan,

Girîna nû ya îro

Ev çi hal e, ev çi hewal e?

Ka welatê aş, ka zemanên baş?

Dîcle me ez, sebra hezar salan

Li ber ba û bahozê rawestî

Li ber agir û şewatê xwe ragirtî

Li hember lîstikên bîr û heş her zînde

Berxwedan qewlê min e

Ez im, dengê ava qedîm

Dengê min mîrat ji do, mîrat ji bo sibehê

Dengê min di ser şer û pevçûnan

Di ser birîn, mirin û kuştinan re

Bi te re ho însan, ho dilê birîndar, ruhê sûzen

Ho nifşên do yên ketî, nifşên bê yên sext

Ho însan, xwediye mîratê

Tu li kû yî?

Te li kû hembêz bikim, bihewînim

Bi dengê xwe, bi mîratê bihebînim

Li kû dinya kete xewê

Keser, derd, xizîn û birîn sincirî

Deng hate birîn

Li kû deng hişyar dibe

Li kû ez ê dengê xwe bigihîm te, ho însan?