Ddoje strade lyrics

Tutt'e ssére dint'a ll'ómbra

Io t'aspètto puntualmènte,

Tutt'e ssére inutilmènte

C'a speranza 'e te vedè.

Tu cammine, e chést'o ssaccio,

Pe na via lònga e stramana

Ca te pòrta cchiù luntana,

Ca t'ha fatto scurdà 'e me.

Io nun me scòrdo, no, io tèngo a mmènte

'O bbène e 'o mmale 'e sta passiona amara.

E amara cómme sì... tu mme sì cara,

Cchiù cara 'e tutt'a vita sì pe mme.

Ma che te 'mpòrta a tte si stó suffrènno

Pe stu cammino ca me da dulóre.

Cchiù alluóng 'o passo

E cchiù scarpise 'o còre:

Stu passo tujo ca s'alluntana 'a me.

Nun piglià sta strada nóva

Ca nun saje addò te pòrta.

Rispunnive: "Che mme 'mpòrta!

Sóngo stanca, aggi'a cagnà".

Ma, si 'mmiéz'a chésta strada

Tu sperdènnote te piénte,

Io vulasse cómm'ô viénto

E venesse a te salvà.

Io nun me scordo, no, io tengo a mmente

'O bbene e 'o mmale 'e 'sta passiona amara.

E amara comme sì... tu mme sì cara,

Cchiù cara 'e tutt'a vita sì pe mme.

Ma che te 'mpòrta a tte si stò suffrènno

Pe stu cammino ca me da dulóre.

Cchiù alluóng 'o passo

E cchiù scarpise 'o còre:

Stu passo tujo ca s'alluntana 'a me.