دايماً عايشين [Dayman Aysheen] [Transliteration]

الوشوش دي مش غريبه

عن عنيك وعن عنيا

ناس بريئه

كان هدفها بلدها تتغير شويه

كل ده من غير مصالح

كان ده كله بحسن نيه

حاسس اني أعرفهم كلهم

حاسس اني أنا فيا منهم

ملامحهم روحهم دمهم

دول مصريين

ما هو مش معقول ولا ذنبهم

يخرجوا يندهوا على حلمهم

يتاخد منهم عمرهم

ده يرضي مين

عشان احنا نعيش استشهدوا

ولا مال ولا حاجه يعوضوا

انصرهم قلبك جمده

خليك أمين

دول كانوا شباب من سننا

و اللي اصغر واكبر مننا

أمر الناس ديا يهمنا

مسكتش عليه

كلنا هنكمل حلمهم

دول ضحوا عشاننا بنفسهم

و لايمكن هيضيع حقهم

لو يحصل ايه

في الجنه مكانهم مش هنا

ارتاحوا وراحوا لربنا

و هيفضلوا جوه بقلبنا

دايما عايشين