Dä Labbes lyrics

Mädche kumm eraf, do häs Besök, he steiht ene Labbes vür d'r Dür.

Hä luurt mich ahn un kritt de Zäng nit usenein, doch ich jläuv, hä will zo Dir.

Ne Meternüngzich, Mötz om Kopp, Häng en d'r Täsch, de Botz es vill zo jroß.

Do wääs dä doch em Lääve nit mih ren, su jeiht doch keine Minsch erus.

Ich han en ens eren jeloße, kumm eraf, hä setz op mingem Stohl.

Wat will dä dann su fröh ald he, ich saren Dir, dat wor et letzte Mol.

Mer wollten doch hück Fernseh luure, et jit e wunderbar Projramm.

Jetz sitz ich met däm Jung he janz allein, un hä waat op ming Madam.

Jo, wenn du op minger Scholdere soß't, do wor ich dinge Held.

Ich wor dä jrößte, dä schönste un dä stärkste Mann der Welt.

Un wenn et Dunnerwedder kom, dann verkrochste dich bei mir,

un dann nohm ich dich en d'r Ärm, hück steiht dä Labbes vür d'r Dür.

Hä setz do un luurt sich alles ahn, immer schön jezielt an mir vorbei.

Mädche kumm eraf, ich driehe he am Rad bei der bekloppte Waaderei.

Un endlich steihs du op dä Trepp wie en Prinzessin, hück jeiht et op Jöck.

Dä Labbes strahlt bes üvver beide Uhre, wat hät dä Jung e Jlöck.

Jo, wenn du op minger Scholdere soß't, do wor ich dinge Held.

Ich wor dä jrößte, dä schönste un dä stärkste Mann der Welt.

Un wenn et Donnerwedder kom, dann verkruchste dich bei mir,

un dann nohm ich dich en d'r Ärm, janz fess en minge Ärm.

Jo, wenn du op minger Scholdere soß't, do jing et m'r su joot.

Alles leef noh dinger kleine Nas, alles wor em Lot,

Nä, wat hammer vill jelaach, du hatts Augen nur für mich

Dat wor jeföhlt bes letzte Woch esu, jetz sitz dä Labbes he am Desch.

Et es su schwer zo deile watt m'r ja nit deile will

Dat wor bis hück jo och nit nüdisch

Darüm is et jrad jet vill

Lieven Jung, prinzipiell hann ich janix jejen disch

Ävver, su wie jede andere, bis de halt nit ich

Jo, wenn du op minger Scholdere soß't, do wor ich dinge Held.

Ich wor dä jrößte, dä schönste un dä stärkste Mann der Welt.

Un wenn et Donnerwedder kom, dann verkruchste dich bei mir,

un dann nohm ich dich en d'r Ärm, janz fess en minge Ärm.

Jo, wenn du op minger Scholdere soß't, do jing et m'r su joot.

Alles leef noh dinger kleine Nas, alles wor em Lot,

Nä, wat hammer vill jelaach, du hatts Augen nur für mich

Dat wor jeföhlt bes letzte Woch esu, jetz sitz dä Labbes he am Desch.