Cupidon s'en fout [Breton translation]

Evit treiñ hon amourousted e karantez wirion

n'eus ket bet diouer eus kalz a dra;

hogen dievezh e oa Gwener d'an deiz-se:

deizioù 'zo pa ne ra Kupidon foutre forzh.

Deizioù pa darnij-eñ diefed,

pa vez o begoù togn

d'ar biroù a ziwareg gant hegarated.

Deizioù 'zo pa ne ra Kupidon foutre forzh.

Tra ma rae war-dro paotred-ar-yod all

n'en deus ket bet tu da gaout preder ouzhomp

gant e wareg hag e holl stalabard.

Deizioù 'zo pa ne ra Kupidon foutre forzh.

Klasket hon eus da zeraouiñ ar fest heptañ,

ruilhet on eus war al leton fresk; c'hwi avat

hoc'h eus kollet ho vertuz, neket ho penn.

Deizioù 'zo pa ne ra Kupidon foutre forzh.

Mard hoc'h eus ma lezet d'ober ma c'hoant,

n'edo ket, siwazh! hor c'halonoù e-barzh,

diouer a rae splann ar flammenn sakr.

Deizioù 'zo pa ne ra Kupidon foutre forzh.

Dizeliet hon eus kant gwech ar boked marc'harid,

kant gwech ez omp kouezhet war "tamm ebet",

hag aet eo hon tammig karantez d'ar strad.

Deizioù 'zo pa ne ra Kupidon foutre forzh.

Pa 'z eot d'ar koajoù evit ober ho lez,

pabored yaouank, ra vo an neñv a-du ganeoc'h.

N'em eus ket bet seurt chañs, kerse a ra se din!

Deizioù 'zo pa ne ra Kupidon foutre forzh.