Tu vuo’ durmì c’a lampa e i’ nun ce saccio
durmì; ma ‘a lampa – è inùtele! – s’appiccia.
A te te piace ‘a sfugliatèlla fròlla;
a me me piace ‘a sfugliatèlla riccia.
Tu te ‘ntriche e te ‘mpicce; i’ nun me ‘mpaccio;
tu nun tiéne òra e i’ sóngo tutto orario.
Tu vaje truvanno ‘e cammenà p’a fòlla,
addò ca i’ vaco ascianno ‘o ssulitario…
Cómme ce simme aunite?! Va’ a capì!
Sì i’ stésso nu’ mme spièco, ‘nfin’ a mo,
cómme ‘a matina… ch’i’ dicètte “sì”,
chélla matina… nun diciste “no!”