Cróce néra lyrics

Nce aggio fatto cróce néra

chiù 'e na séra

'nnanz'o vascio addo' stai tu:

ma po, dòppo, so’ turnato

‘nnammurato

sèmpe pèggio e sèmpe cchiù…

Pe scurdà st'ammóre antico

nun te dico

c'aggio fatto, Filumè…

Me so' miso cu cchiù d'una,

ma nisciuna,

ma nisciuna è cómme a tte.

So' geluso, capricciuso,

ntussecuso…

sissignóre, e c'aggi’a fà?

Sto stunato… sto 'mbriaco…

vèngo, vaco…

vòto e giro… e po sto ccà!