Davanti aea scuoea tanta xente
Òto e vinti, ea prima campanèa,
«E stua chea cicca.»
e mièri de gambe e de ociài
In pressa su pae scae.
E òto e mexa tuti in pìe
El Presidente, ea croxe e el professór
che'l te lèxe sempre ea stessa storia
sul stesso libro, al stesso modo,
coe stesse paròe da quaranta ani de onesta professión.
Ma e domande noe ga avesto
'Na risposta ciara.
E ea Divina Commedia, sempre più commedia
Tanto che gnancora dèsso no so
se Dante el gèra un òmo libero, un faìo o un servo de partito.
Ma Paolo e Francesca, quei là mei ricordo ben
parché, dixìme, chi no se ga mai inamorà
de quea del primo banco,
Ea più bèa, ea più sempia,
Mona ti, che ea rideva sempre
proprio quando el to amor el gaveva e stesse paròe,
i stessi sospiri del libro che ti lexevi de scondón
sóto el banco.
Mexodì, tuto svanisse,
«ndemo! tuti al bar.»
Dove che Nietsche e Marx i se dava ea man
e i parlava insieme de l'ultima festa
e del vestito nòvo, fato aposta
e sempre de chea fìa che ea flirtava co tuti (fòra che co ti)
e 'e riunión e i cineforum i congressi
mai parmessi a chei tempi
e e fughe viliacche davanti al cancèo
e e pache nea corte e nel coridoio,
prime arie de un ’68
ancora eontàn da rivàr e massa curto, da desmentegar!
E el to impegno che deventava sempre più grando drento de ti…
«Compagno de scuoea, compagno de gninte
ti te ga salvà dal fumo dee trincee?
Compagno de scuoea, compagno par gninte
ti te ga salvà o ti xe sei entrà in banca anca ti?»