Cnu-yid tayri lyrics

Cnu-yi-d tayri

Zdat ṛsaṣ

Akked ujenwi

Lmut yiwen n wass

Cnu-d ay itri

Ad yeṭṭes nḥas

Udem n tziri

Ad aɣ-yerr iḍ d ass

Win tezdeɣ tayri

Yeffeɣ leḥbus

N yir allen

Acḍaḍ yettdari

D tin n ubernus

I aɣ-yesdukkulen

Iles yettawi

Tafat deg ufus

Talwit ɣef iɣallen

Cnu-yi-d tayri

Ad terreẓ twaɣit

Akken yettṛuẓ yiri

N weẓɣal tameddit

Cnu-d a temẓi

Sexsi tirgit

I aɣ-igan tifidi

Ɣef allen n target

Tayri tessusum

Tisfi n wussan

I aɣ-yessemḥalqen

Di tmurt teskussum

Seg ujeǧǧig yefsan

D wul leqqaqen

Ma deg-s i tettessum

Ad fakken wussan

I aɣ-ineqqen

Imɣur a tayri

Uqel d lemmri

N yal Azzayri

Ttxilem a tayri

Ger irebbi

N yal Azzayri

Cnu-iyi-d tayri

Ammer urfan

I aɣ-iqemmcen iẓri

Ad d-asen kfan

Cnu-d a tiɣri

I d-iger llufan

Ad d-yefrari

Leɛqel yenfan

Ittes win icaḍen

Ad yekkes fad

N tazla idammen

S waman iṣemmaḍen

Ad nekkes fad

N lehna aɣ-yuẓamen

Ɣef iɣeblan nuḍen

La nettemyerfad

S tayri i s-numen

Cnu-yi-d tayri

I wul iḍaq

Ad d-yeṭṭef abeḥri

Neɣ ad yeṭṭerḍeq

Kečč ay abruri

I s i d-nenḍeq

Sefruri uzzal ɣef ṭṭaq

Tayri mi d-tusa

Tezzuzef isigna

Ɣef tegnawt n wul

Tekkes tilisa

Ad taffeg tninna

Ɣer tafat i deg i d-lul

Nessarem ass-a

Tayri i d-necna

Ad tuɣal d lakul

Imɣur a tayri

Uqel d lemmri

N yal Azzayri

Ttxilem a tayri

Ger irebbi

N yal Azzayri