Ching Söörtukchülerining Yrysy [Song of the Caravan Drivers] [Transliteration]

Бээжинден үнгенден бээр, шуу,

Бежен-алдан хона бердим, шуу.

Бежен теве бараанымны, шуу,

Ында чүнүң херээ-ле боор, шуу.

Аалымдан үнгенден бээр, шуу,

Алдан-чеден хона бердим, шуу.

Алдан теве бараанымны, шуу,

Артта каггаш, чортуп ор мен, шуу.

Мээң карам Шуужарны, шуу,

Сактывыла кээримге, шуу,

Бежен теве бараанымның, шуу,

Ында чүнүң херээ-ле боор, шуу.

Анай-карам Шуужарны, шуу,

Сактывыла кээримге, шуу,

Алдан теве бараанымның, шуу,

Ында чүнүң херээ-ле боор, шуу.

Аптыраның баарында, шуу,

Арны балыг ашак чыдар, шуу.

Ашак болгаш ноян хейниң, шуу,

Айбычызы, дөңгүрү боор, шуу.

Кара эжим кайын уттур, шуу,

Харын сактып орган-на боор, шуу.

Кара-шокар аржыыл бергеш, шуу,

«Каавыт» деп көгүткен боор, шуу.

Уруг эжим кайын уттур, шуу,

Улам сактып олур-ла боор, шуу.

Угулзалыг идик бергеш, шуу,

«Уттувут» деп көгүткен боор, шуу.

Аптыраның баарында арны балыг ашак чыткан, шуу.

Ашак болгаш ноян хейниң айбычызы дөңгүрү боор, шуу.

Ашак болгаш ноян хейниң айбычызы дөңгүрү боор, шуу.

Айбычызы дөңгүрү боор, шуу.