Chi disse ca la fémmena lyrics

Chi disse ca la fémmena

sa cchiù de Farfariéllo

disse la veretà.

Una te fa la nzémprece

ed è malezeósa.

N’autra fa la schefósa

e bo’ lo maretiéllo.

A cchillo tène ‘ncòre

e a chisto fégne ammóre;

e lo sta a rrepassa’.

Nce sta quaccuna po

che a nullo vòle bène,

e cciénto ‘nfrisco tène,

schitto pe scorcoglià.

E tant’aute mmalizie

chi maje le ppo’ conta’?

Chi disse ca la fémmena

sa cchiù de Farfariéllo

disse la veretà.