Ch’Clairon lyrics

hés parche qu’el clique municipale

Est moins loin que ch’terrain d’fotbale,

Qu’on o fouait apprèn.ne dins min tchuin

A tous chés joènnes d’ein instrumint.

J’ai point coésit on m’o donnoué

Ein viux clairon tout caboché,

J’airouais préfouéré d’el trompette

M’aurouait fallu du piston p’tète.

A chaque foué qu’i o ein défilé

I feut astitcher sin clairon,

Mi chu toudis mes yux freumés

Ebleuïs par min pavillon.

Chés por qu’ça m’géne point qu’on m’prête

Ein.ne grinde cachtchette por mette dsu m’tête

Chu fin rétu mais ch’défilé

Je ne l’voué pu que sous min nez

On m’o dit qu’étouait miux por mi

Qu’d’avouère eun’tête qu’étouait trou tchiote,

Por savouère mette in pied d’vin l’eute

I o qu’o r’beyer ch’ti qu’est d’vin ti.

Dins min coustume j’avouais d'l'allure

Reus’mint qu’eume mère f’souait d’eul couture

Du tichu l’o fallu n’in r’prèn.ne

Dins ches gaimbes por erfouère ches minches.

On l’vous diro dins tout ch’cainton

Qu’i o point miux qu’mi por eul clairon,

Feut m’vir tot rouède ach monumint

Quind j’joue » au mort et ouvrer l’binc «

Feut dire que j’me suis intrainé

Din min gardin à défiler,

Min clairon padsus d’emn érelle

Tournouait dins l’air com.me ein.ne crechelle.

J’ai rin à vouère avu l’armée

Por cho feut point compter chur mi,

On pu v’nir fouère appel à mi

Mais toudi quind l’djerre est passée.

Chés gins y sont tellemint cons

Qu’i n’in r’front eune de toute fachon,

Métier d’av’nir qu’est le clairon

Mi ch’pinse in foère ein.ne profechion. ( bis )