جەوری حەبیب [Cewrî hebîb] lyrics

ئەمکوژێ حوکمە ئەزانم بە خودا جەوری حەبیب

بەسە سا لە ڕێی خودا، دەس لە یەقەم بەردە تەبیب

تاڵعم نەحسە ئەترسم کە لەژێر باری فراق

بمرم و ڕۆژێ نەبێ دەوڵەتی وەسڵم وە نەسیب

وەرە دەستت بنە نێو دەستم و پێکەو بدوێن

با وەکوو سوفرە لە داخا بدڕێ ورگی ڕەقیب

چاوی فەتانە و یا نەرگسی جادویە هەتە

چوو بە یەک عیشوە ئەدا زاهیدی سەد ساڵە فەریب

متن ترانه و آهنگ از سایت

تا لە تۆ دورە دڵی غەمزەدە ئەی ڕاحەتی گیان

مەشرق و مەغربە مابەینی لەگەڵ سەبر و شەکیب

بێ فەراز نابێ نەشیب، ئەم قسە تەحقیقە بەڵام

من لە ڕێی عەشقی تۆ نەمدی بە خودا غەیری نەشیب

شێخ ئەگێڕێتەوە گەر چاوی بە زوڵفت بکەوێ

خرقە و سوبحە بە زونار و چلیپا و سەلیب

تاقەتم تاقە لە ژێر باری خەمانا گوڵەکەم

بکە ڕەحمێ بە دڵم، چاکە تەڕەحوم بە غەریب