به غه‌مزه‌ی چاوی مه‌خموری سیاهی مه‌ستی مه‌ی کردین
به‌ماچی لێوی موسته‌غنی له ئه‌نواعی مه‌زه‌ی کردین
ترازا به‌ندی سوخمه‌ی ئاڵی گوڵناری به ئاهی من
که‌چی ده‌ستی له‌سه‌ر دانا له‌سه‌یری باغی به‌ی کردین
له‌بۆ یه‌ک مه‌رحه‌بایێ چومه لای یارم به‌سه‌رخۆشی
نیقابی خسته ڕوخسارو به جارێ که‌وته خامۆشی
که‌وام دی ڕۆیی ئارامی دلأ و سه‌برو فه‌رامۆشی
به‌هه‌وری په‌رچه‌م و زوڵفی ڕق و ئه‌برۆی که داپۆشی
له‌شه‌وقی ڕویه‌تی به‌دری هیلالی یه‌ک شه‌وه‌ی کردین
له‌بۆ خوێنڕێژ و شاقان نیگارم گه‌رچی بێ باکه
وه‌لێ ئه‌ی دڵ له‌ڕووی ئومێده‌وه جارێ ته‌ماشاکه
مه‌ڵێ سافی زه‌مان ئاخر بوو که‌س تیماری که‌س ناکا
ده‌وای ده‌ردی دڵی ناری له تاهیر به‌گ ته‌مه‌ننا که
بڵێ ئه‌مڕۆ گوڵه‌ندامێ به تیرێ جه‌رگی په‌ی کردین