Catena lyrics

Nun mme vuò bbene?

E dimme, comme mm' 'o ppuò dì?

Tu sì guagliona,

Ll'ammore nun 'o ppuò capì.

Ch'aggi' 'a fà, pe' mme è destino.

Pe' 'st'uocchie belle tanto aggi' 'a suffrì?

Pe' mme tu sì catena,

Pe' ll'ate sì Maria.

Io perdo 'a vita mia,

Maria, Marì, pe' tte!

Tu nun mme dice maje,

Maje 'na parola.

Dimme 'na vota sola:

"Te voglio bbene"

E po' famme murì!

Tu cante e ride

E mme turmiente 'a giuventù.

Io mme ne moro,

Ma sempe 'a stessa rieste tu!

Mamma chiagne e, a tutte ll'ore,

Mme dice: "Figlio, nun 'a penzà cchiù!"

Pe' mme tu sì catena.

Pe' ll'ate sì Maria.

Io perdo 'a vita mia,

Maria, Marì, pe' tte!

Tu nun mme dice maje,

Maje 'na parola.

Dimme 'na vota sola:

"Te voglio bbene"

E po' famme murì!