Caro babbo [Venetan translation]

Ti me parevi grando, grandissimo co gèro picenìn,

ti gèri el me gigante bon che xogava a nascondìn.

Me bateva forte el pèto fin che gèro drìo spetàr,

Contento de scondarme, ma anca de farme catàr.

Te sentivo forte e a 'olte ti me faxevi un fià paura,

Ma ti géri el me cavaeo chièto e el tapéo gèra ea vae

e vegnevo xo e caminavo nee to scarpe enormi,

Fra coìne de poltrone coi me passi da gigante.

Gèra dolse, gèra beissimo,

meo ricordo e teo digo

Ti géri el me eroe pì grando

Ti gèri el me primo vero amigo.

Ti me xe cascà i primi ani de scuòea

ti tornavi casa tardi e mia mare ea géra sempre sòea.

Me svegiavo d'un bòto e ve sentivo ancora sigàr,

ti gèri sempre rabià e no ti me scoltavi mai.

Qualche 'olta ti me batevi e 'e to paròe

'e me verxiva soeo a 'na vita de paure.

Ti gèri assente, iragiungibie,

mi te odiavo e te o digo.

Nei me sogni ti gèri el babau,

tuto so un colpo ti xe deventà el me nemigo.

E gò portà come 'na desgrassia el to sangue nee me vene,

ma el me cuor pa dispèto te voeva sempre ben.

E dèsso, vècio, te o scrivo come quando che gèro bòcia,

come quando pa catarse xogavimo a nascondìn.

E dèsso xe fredo, fredo giassà,

pianxo, fin che te o digo.

Còssa ti spèti a vegner ,

vècio, se ti xe un amigo?

Gèra dolse, gèra beissimo

eo gò capìo e te o scrivo.

Quante 'olte gò da morir

pa sentirme 'ncora vivo?