Carme', Carme' [Italian translation]

Pure st'anno 'a primmavèra

m’e trasuta dint'o còre

cu na smania'e fà l'ammóre,

cu nu fuóco 'e giuventu';

quanno véco na figlióla,

me va ‘o sango dint'a ll'uócchie,

po' me trèmmano 'e denócchie

e nu ‘ngarro niénte cchiu'.

Carme' Carme',

tu sóla nun m’abbasti,

me ce ne vònno tre,

Carme' Carme',

i' sóngo 'e bòna pasta,

v'accuntènto a ttutte e tre.

Carme' Carme',

i’ nun 'o ffaccio appòsta

e tu chésto ll'hê 'a sapè.

Carme' Carme',

i’ tèngo a capa tòsta,

tòsta, tòsta

cómm'a cchè.

Per ogni uomo tre muglière,

stéva scritto int'o giurnale,

mo na légge speciale

faciarranno e saje pecchè,

pecchè l'uómmene so' pòche,

mèntre ‘a dònna è in abbondanza

me ne vòglio fà na panza,

n'ati ddóje ‘a fòra 'e te.

Carme', Carme',

tu sóla nun m’abbasti,

me ce ne vònno tre.

Carme', Carme',

i' sóngo 'e bòna pasta

v'accuntènto a ttutt'e ttre.

Carme, Carme',

i' nun 'o ffaccio appòsta,

e tu chésto ll'hê 'a sapè.

Carme', Carme',

i’ tèngo ‘a capa tòsta,

tòsta, tòsta cómm'a cchè.