Canzuni addinucchiata [Italian translation]

L'armuzza di me matri mi lassàu

Sgravata dô piccatu da me carni

Mancu 'u vattìu ci potti e m'arristàu

'A curpa ca purtava supra ê spaddii

Ancunicchiàta sutta la currìa

'A peddi m'allisciàunu a tumbulati

Santa Maria s'havìa scurdatu 'i mìa

Sutta ê patèddi cìciri caliati

Assammaràva c'aveva deci anni

Malu mistèri ha statu 'a lavannàra

Beddi dinocchi ci lassàj ê petri

'I manu s'annïàru 'nta ciumàra

Finíu la guerra e s'accapàu l'amuri

Ô friddu era e 'u friddu sû purtàu

Ju m'anciccàva 'nterra pi prïàri

Ma menzu 'a nivi, 'a nivi sû curcàu...

Doppu vint'anni ancora a dinucchiùni

Calàta p'arricògghiri 'i frastuchi

Calàva 'u suli e ju non m'addizzava

'U jarmu dô camperi mi vuleva

Carrabbinera trasi 'a morti 'n casa

Santa Maria s'arrïurdàu di mìa

Cunortu fu me matri ciaurùsa

Nun lassu nenti e nuddu sdillanìa

Dintra ô tabútu ô scuru 'un haju abbèntu

Nun haju piacìri a stari stinnicchiata

È 'a prima vota e cu mi l'hav'a diri

Calàtimi nta fossa addinucchiàta

È 'a prima vota e cu mi l'hav'a diri

Calàtimi nta fossa addinucchiàata