Canzone napulitana lyrics

Vola canzone e va', doce e curtese,

pe' cielo e mare,

pe' ll'aria 'e chesti mmatenate chiare.

Di' a tuttuquante: "Vengo 'a nu paese

addó' se gode meglio 'a giuventù ".

Ritornello:

E, fino a quanno ce sta ancora Napule,

dincello, va',

dincello va'.

"Uocchie ca chiagnono,

core che soffrono,

nun ce hann' 'a stá!"

Canzone mia, te scrive pe' tramente

nénna sta allèra,

e tengo 'a vocca soja pe' Primmavera.

Tengo, pe' sole, ll'uocchie suoje lucente,

ll'albere 'e pigna e 'o mare attuorno a me.

Ritornello:

Vola canzone, addó' nun truove sole,

né primmavere,

e parla ' e chesti mmatenate allère.

Porta 'a prijezza 'e tutte sti ffigliole

che cámpano d'ammore e di' accussí,

"Uocchie ca chiagnono,

core ca soffrono,

nun ce hann' 'a stá!"

Vola canzone e va'...