Canzone di Razzullo lyrics

Quann'io nascette ninno 'a cuorpo a mamma

A napule nascette muorto 'e famme

A napule nascette muorto 'e famme

E muorto 'e famme nun appena nato

Mammella mia dicette: “È nato un altro sventurato”

Mammella mia dicette: “È nato un altro sventurato”

E arravugliato rint'a 'na mappina me 'nfasciaje

E dint'a nu spurtone 'sta nuvena me cantaie:

"Nuvena, nuvena, mammella era prena

Appriesso a 'nu figlio già n'ato ne vene

Facette 'o primmo e nascette cecato

Mò cerc' 'a lemmosena pe' 'mmiez' 'e strate

Facette 'o sicondo chiammato Pascale

Ca sta carcerato a puceriale

E aroppo 'o cchiù bello 'o chiammaie Gennaro

C' 'abbascio 'a duchesca mò fa 'o ricuttaro

E mò pe' cumpleto, sgravannose 'e chisto

Ha fatto un'altro povero cristo"

Chiagnenno, appena nato, int'a 'stu lietto

Cercaie da mammélla 'a zizza 'mpietto

Cercaie da mammélla 'a zizza 'mpietto

Ma zuca che te zuca 'stu nennillo che te pesca?

Da chella zizza 'o latte era comma ll'acqua fresca!

Da chella zizza 'o latte era comma ll'acqua fresca!

Cchiù zuca ca te zuca e chillu pietto cchiù s'arrogna

Zucanno me 'mparaie a sunare la zampogna...

Nuvena, nuvena, Aatale mò vene

Ma cu 'sta nuvena cchiù famme me vene

Verenn' 'o magna' pe' chi tene 'e quattrine

Verennolo sulo adderet'’ ‘e vvetrine

E allora me cocco cu tutt’ ‘e calzine

E 'a notte me sonno ca nasce un bambino

Che nasce 'e rimpetto a 'na bella cantina

Cu addore 'e suffritto, cu tre litr' 'e vino

N'appesa 'e sacicce, nu bellu capone

Anguille ammescate cu lu capitone

Castagne r' 'o prevete, noce e nucelle

'Nzalata 'e rinforzo cu lu susamiello...

Ma senza renare 'a nott' 'e Natale

Me fummo 'na pippa e me vaco a cuccà...