Canzone della bambina portoghese [Venetan translation]

E po' e po', ea xente ea vien qua a dirte

De saver xà tute 'e règoe del mondo

E tuti ti o sa, i vanta un orgoglio orbo

De verità fate de nenie ripetue...

E tuti ti o sa, i xe boni de dirte cossa far,

Quae lexi rispetar, quae règoe osservar,

Quaea che xe ea verità vera, e po'...

E po' tuti serai rento e so chèbe

I fa a chi che siga più forte

Pa no dir che 'e stee e ea morte e fa paura...

Al caeor del sol,

Al mar ea 'ndava

Ea putèa portoghese,

No ghe gèra paròe,

Soeo che rumori

Come voxe incantesimàe

Soeo che el mar

e el so primo bikini amaranto,

'E robe pì bèe

E ea feissità del caeor soea pèe...

I amighi vissìn

I pareva negài

daea voxe del mar...

O sogni o visión,

Calcossa ghe ga ciapà

e ea se ga fermà a pensar.

Ghe pareva de èssar un puntin

Sol confin del continente,

Ghe pareva de essar gninte,

Co l'imenso Atlantico davanti...

E in 'sta roba ea provava

Calcossa de grando

Che no ea riussiva a capir

che no ea podeva intuir,

che ea gavarìa contà

se ea gavesse capìo, ea,

Chel mar infinìo...

Ma el caldo la ga vantada

Ea se ga sentìo sparir

e ea se ga messo a dormir,

E ea xe deventada soeo del sol

Xe rimasto soeo el mar e un bikini amaranto...

E po' e po',

Se ti te trovi a ricordar,

Ti te incorxarà

Che no te importa gninte,

E ti capirà

Che 'na sera o 'na stagión

'E xe come lampi,

ciari impissai e po' stuai.

E ti capirà che ea vera stranessa

Xe ea vita che vivemo,

Chea roba che ciamemo èssar òmeni...

E po' e po',

El vissio che te coparà

No sarà el fumo o el vin,

Ma chea roba che ti te porti drento,

Cioè viver, vivere,

E po' po' vivere,

E po', po' vivere...