Canzòne 'mbriaca [Italian translation]

È 'a nòtte ‘e Pasca, a ll’ùnnece,

nu pòco fatto a vvino…

ô vico Buoncammino

io m’arretiro…

Nu poco fatto a vino.

Nun passa manco n’ànema

e 'o vico cupo cupo

pare na vòcca ‘e lupo.

Alo’ cantammo:

pare na vócca ‘e lupo.

Vi’ che te fa na fémmena!

Nun me paréva ovèro

ca stévo accussi’ allèro

a nnòtte a nnòtte.

Uhi la’ lara’

Nun me paréva ovèro.

Uhi la’ lara’ Uhi la’ lara’ lara’

Embe’! Mo pecché, all'ùrdemo

piano ‘e stu palazziéllo,

l’ùrdemo barcunciéllo

è russo ‘e luce?

L’urdemo barcunciello.

Sarrà spusata Angèleca

e a tarallucce e vino

fernènno sta’ ‘o festino

â faccia mia…

Fenènno sta’ ‘o festino!

Vi’ che te fa na fémmena!

Nun me paréva ovèro.

ca io stévo accussi’ allèro

a nnòtte a nnòtte!

Uhi la’ lara’

Nun me paréva ovèro…

Uhi la’ lara’ Uhi la’ lara’ lara’

E mo tècchete Angèleca

ca me fa chistu sfrèggio

e, chéllo ch’e' cchiù pèggio,

‘a tèngo ‘e faccia…

Ca me fa chistu sfrèggio!

Neh, guardapo’, scusàteme,

Angèleca è spusata?

Ched’è, mèza 'nzerrata

nun vide 'a pòrta?

Ah, già, mèza 'nzerrata...

Scusate, e che vo’ dìcere

mèza ‘nzerrata ‘a pòrta?

Vo’ dìcere ch’è morta

e bonanòtte!

Uri la’ lara’

vo’ dìcere ca è mòrta…

Uri la’ lara’ ri la’ lara’ lara’.