Torrada:
"Cantade e ballade bois
ca sos ballos sun sos bostros,
cand’an a bennere sos nostros
amus a ballare nois"
Donzi abba curret a su mare
donzi logu a s’ammentu impare
donzi populu a sa libertade
a sa libertade
Donzi tempus torrat a s’istoria
donzi identidade a sa memoria
donzi cara torrat a su coro
torrat a su coro
[Torrada]
At a fagher lughe su matessi
at a essire unu sole nessi
semper cras at a sighire a oe
a sighire a oe
Muda in chelu sa matessi luna
muda no at a esser sa fortuna
donzi notte l’amus a ischidare
l’amus a ischidare
[Torrada]
Fizos de sa roca e de su ’entu
fizos ch’est accanta su momentu
chi mustramus s’anima a cumone
s’anima a cumone
Mamas de lentore e de traschìa
mamas de dolore e de allegrìa
ap’a cherrer basos in sos chizos
basos in sos chizos
[Torrada]