Cando [English translation]

Cando s’ànima mea disamorada…

cando, cando

falat a profundu s’alenu de su sero

e làgrimas naran chi est debadas sa vida,

tando,

tando s’ànima mea che rùndine perdida

si fuet, cheret bolare addae,

s’inghìriat s’unda ‘e su mare,

limba de fogu bortat in bona sa mala fortuna

totue.

Cando s’ànima mea addolorida…

cando, cando,

penas e dultzuras mùilan a profundu

e làgrimas naran chi est debadas sa vida,

tando,

tando s’ànima mea che rùndine perdida

si fuet, cheret bolare addae,

s’inghìriat s’unda ‘e su mare,

limba de fogu bortat in bona sa mala fortuna

totue.

Bortat in bona sa mala fortuna

totue.