Cançon d'Adiu [English translation]

E tic tac, e tic tac,

Qu’ei l’òra de partir

E tic tac, e tic tac,

Qu’ei la crotz deus camins,

Que te’n vas e donc adiu,

Que’t vam seguir dincau portau,

Lo hat que segueish lo briu,

E atau qu’ei e qu’ei atau.

Quan la mair ved partir

Lo darrèr deus sons hilhs,

Qui se’n va, com l’ausèth,

Non sab tà quin país,

Qu’ei tristèr, qu’ei doçor,

Un drin com un ser de Nadau,

Quan ei doça la dolor,

E atau qu’ei e qu’ei atau.

Hens l’eslama deu huec,

Tostemps que’t vederèi,

Hens la cançon deu vent,

Tostemps que t’escotarèi,

E adiu, ‘cò batlèu,

Sus un aute caminau,

Devath un aute sorelh,

E atau qu’ei e qu’ei atau

E adiu, ‘cò batlèu,

Sus un aute caminau,

Devath un aute sorelh,

E atau qu’ei e qu’ei atau...