Càrzari, ca si fattu cruci cruci
Malidittu ddu ‘nfami ca ti fici
Si miritava d’anima dannata
Iddu pi primu la galera a vita
Càrzari, funnu e cuncavata tana
Ogn’umu di valuri t’abbannuna
Si costruitu a 'na parti stramani
Unni nun passa mancu lu scursuni
Mi ci hannu misu a mia comu un cani
E ‘ncatinatu peggiu di un liuni
Pi pani mi manciai carduna amari
Pi acqua mi vivia li me suduri