Còre analfabeta [English translation]

Stu còre analfabeta

tu ll'ê purtato â scòla,

e s'è 'mparato a scrìvere,

e s'è 'mparato a lèggere

sultanto na paròla.

Ammóre e niénte cchiù.

Ammóre, ammóre mio si tu,

fémmena amata, passióne,

passióne c'a sta vita daje calóre.

Quanno te vaso 'a vócca avvullutata,

chistu velluto m'accarézza 'o còre,

stu còre ca tu p'a mano ll'ê purtato â scòla,

e s'è 'mparato a scrìvere,

e s'è 'mparato a lèggere...

Ammóre e niénte cchiù.

Stu còre analfabèta

mo sòffre e se nne mòre

pensanno ca si' fémmena

e te putésse pèrdere

e pèrdere l'ammóre

ca ll'ê mparato tu.

Giùrame ancòra ca tu si' dd'a mia

primma che me ne mòro 'e gelusia.

Passióne,

suspira 'o còre mio, fémmena amata,

tu ll'ê 'mparato a scrìvere,

tu ll'ê 'mparato a lèggere...

Ammóre e niénte cchiù.