Còre 'e cane lyrics

— E sóngo, st' uócchie miei na funtanèlla

cu nu zampillo 'e làcreme d'ammóre.

Io m' èra miso cu na brunettèlla

ca ditto 'n fatto s'arrubbaie stu còre.

Mo s' è spezzata chélla catenèlla,

dint' 'o bicchiére s' è seccato 'o scióre!

Mo s' è scurdata 'e me chélla ‘mpesèlla:

còre 'e fémmena è còre ngannatóre!

Quanto vurria sapè c'ha guaragnato

sta piccerélla a farme stu dispiétto...!

Io stéva nciélo, e ntèrra m'ha menato.

Io stéva 'o llustro e m' ha rummaso 'o scuro;

e vaco mo, sènza truvà arriciétto,

cómm' a nu cane spiérzo, muro muro.