Câmbana Europâljei [Romanian translation]

Bati nauã hãrãyii

Cãmbana Europãljei,

Ethusu nãu di isihii

Ti tuti miletsli-a ljei.

Europã, hii nãdia,

La-a tãu cheptu s-n-apridunj,

Cã sh-noi himu a ta fumealje

Cu nai ma veclji-arãdãtsinj.

[Rifrenu]

Europã, Europã,

Mutrea sh-cãtã noi,

S-hãrãseascã-a mea dunjeauã

Ca ierghili di ploi.

Cãts dushmanj avea Balcanlu

Tuts di noi s-anchidicarã,

S-deadirã cu Sãtãnãlu

Armãnamea ta s-u chearã.

Iryãtarits nu-astrãxirã

Averili tsi-anghilicea

Ehtsãrilji foclu bãgarã

Gramusti sh-Moscopolea.

[Rifrenu]

Mashi niori shi bumbunidzari,

Mashi nãvaljuri di lãiets,

Adu sh-pi-a noastã sucachi

Soarli cu-a lui mushutets.

Mutã caplu, Armãname,

Nãmuzea s-nu nã chiremu,

Boatsea s-n-avdã tutu laolu

Shi s-curmãmu lailu blãstemu!

[Rifrenu]

S-avinãmu pãmoara lai,

Tsi-anvãleashti ca nãvalju

Patridha tsi n-ari armasã

Mashi tu-a nostu dultsi graiu.

Grailu sãmtu, armãnescu,

Hlambura a Farãljei,

Sã-lu vigljemu cu njicu, cu mari

Tu-armãneshtsãli fumelji.

[Rifrenu]