C'est d'la faute à tes yeux [Breton translation]

Kement a garantez am boa evit ur gwaz

en doa ken nebeut evidon:

un dister a dra eo ar vuhez, e fin-kont.

E lazhet em eus, gwazh a se din.

Kement-se 'zo dre faot e zaoulagad,

dre faot ar mintinvezhioù klouar

hag e gorf e-kichen ma hini.

Kement-se 'zo dre faot an devezhioù kaer

dre faot ar garantez:

re hinon 'oa an oabl.

Ar breutaer karget d'am difenn

a zibunas hon istor a garantez,

hag evit prouiñ ma dinammded

e saotras an devezhioù kaerañ outañ.

Kement-se 'zo dre faot da zaoulagad,

dre faot ar mintinvezhioù klouar

ha da gorf e-kichen ma hini.

Kement-se 'zo dre faot an devezhioù kaer

dre faot ar garantez:

re hinon 'oa ma oabl.

Garv 'oa neuz ar barner,

n'oa dremmwel ebet d'e selloù.

Gant ur vouezh c'hrevus ha diseblant

em barnas d'an toull-bac'h.

Kement-se 'zo dre faot ma daoulagad,

'barzh ma hini o deus gwelet

e oa ma glac'har o tañsal.

Kement-se 'zo dre faot an devezhioù kaer,

ha gwelet 'm eus ma karantez

o ouelañ war ma oabl hinon.