ବୃନ୍ଦାବନେ ବଂଶୀକେ ବଜାଇଲା [Brundabane Bansi Ke Bajaila] lyrics

ବୃନ୍ଦାବନେ ବଂଶୀ କେ ବଜାଇଲା,

ଏକା ରାଧା ରାଧା ନାମ ରାଇଲା,

ବୃନ୍ଦାବନେ ବଂଶୀ କେ ବଜାଇଲା ।

ଛିଡିଲା ସେ ଛିଦ୍ର ଗଣ୍ଠି

ନିବିବନ୍ଧ ଗଲା ଫିଟି,

ବସନ ପିନ୍ଧନ୍ତେ ତର ନୋହିଲା ।

ପାଷାଣ ହୋଇଲା ପାଣି,

ଯମୁନା ବହେ ଉଜାଣି,

ଝରଝର ମକରନ୍ଦ ବୋଳିଲା ।

ଶୁଷ୍କ ତରୁୃମାନେ ଥିଲେ,

ଧ୍ୱନି ଶୁଣି ପଲ୍ଲବିଲେ,

ପବନ ଥକିତ ଚିତ୍ତ ମୋହିଲା ।

ମୁନିଙ୍କ ଆଶ୍ରମ ଟଳି,

ରସରେ ପଡ଼ିଲେ ଢଳି,

ବ୍ୟାଘ୍ର ପଛେ କୁରଙ୍ଗୀ ଗୋଡ଼ାଇଲା ।

କହେ ସାଲବେଗ ହୀନ,

ଏହି ମୋର ନିବେଦନ,

ରାଧାକୃଷ୍ଣ ପାଦେ ଚିତ୍ତ ରହିଲା ।