Bongiòrno ammóre lyrics

Bongiòrno ammóre,

bongiòrno ammóre mio,

tutto è cchiù bèllo e caro

vulènno bène a tte.

N' aria 'e tempèsta

pare dòce e leggiéra,

nu tiémpo amaro e tristo

pare felicità...

Si ê vvòte me faje crédere

ca piénze 'e me lassà

e 'o còre me faje chiàgnere

ca tanto male fa‘...

M'abbasta vedé splènnere

'st'uócchie ca tiéne tu...

ca 'mparaviso, crìdeme,

me pare 'e stà cu tte!

Bongiòrno ammóre,

bongiòrno ammóre mio...

so' mille suónne d'òro

stanno vicino a tte.

Càntano 'e sciure

e canta 'o sóle e 'o mare,

Marì, pe chist' ammóre

ca vo’ sultanto a tte!